Maria Corazon Cojuangco Aquino

"kilala sa pangalang Cory"

"PAALAM NA PO, TITA CORY"

Marami ang nalungkot at nagluksa sa pagkawala ng tita ng lahat at ina ng lahat noong August 01, 2009. At bukas ay ihahatid na natin sa huling hantungan ang labi ng ating mahal na Tita Cory.

Ang bilis talaga ng panahon, di na natin namamalayan na marami na ang nangyari na di natin inaasahan. Katulad na lang ng pangyayaring ito, na isa sa kinikilalang mabuting pinuno ay nawala na sa ating piling. Sino pa kaya ang gaya n'ya? Yan ang tanong ko sa aking sarili at siguro marami rin ang nagtatanong na gaya kong isang simple kabataan na nakikibaka sa alon ng buhay.

"PAALAM PO TITA CORY AT MARAMING SALAMAT PO SA LAHAT"

ASYA

Ang Asya ang pinakamalaking kontinente at sumasaklaw sa humigit-kumulang na ikatlong bahagi ng mundo. Ito ay sukat na 43,810,582 km² o 17,159,995 milya kuwadrado (mi2).
Ang asya din ay ang pinakamalaking lupalop sa buong mundo at tinaguriang isa sa pinagsibulan ng mga dakilang Kabihasnan na nagpabago at humubog sa kaisipan at paniniwala ng mga tao sa daigdig nating ito.
Ang mga kilalang kabihasnan na nagmula sa asya ay ang mga:
1. Kabihasnan ng Tsina.
2. Kabihasnan ng India.
3. Kabihasnan ng Mesopotamia
4. Kabihasnan ng Persia
5. Kabihasnang Armaiko
-Ang Kabihasnang Armaiko ay may dalawang sangay ito ay ang:
a. Israel
b. Arabo

Sa Asya rin matatagpuan ang Karagatang Indian, Dagat Timog Tsina (ang pinakamalaking dagat sa mundo),Karagatang Pasipiko at Karagatang Artiko. Ang Europa ang kadikit nitong continente na pinaghiwalay lang ng mga hangganan ng kabundukan ng URAL, Dagat ng caspia,Itim na dagat at ng kabundukan ng Cawkasus. Ang Suez Canal naman ang siyang hangganan nito bago dumating sa bansang Ehipto ng kontinenteng Aprika. Sa dami ng mga pangkat ng lahi ng mga tao, ang Asya pa rin ang nangunguna at patuloy na yumayabong sa paglabas nito patungo sa iba pang mga bansa at pagdagsa din dito ng mga ibang lahi ng tao mula sa kontinente ng Europa, Amerika at Afrika.

Ano ang Kontinente?

-Ang kontinente na kilala ring bilang lupalop, ang pinaka malaki at malawak na uri ng anyong lupa, ito ay binubuo ng magkakaratig na bansa na kadalasan ay nasusukat at naitatangi dahil sa kanilang kultura, tradisyon, at teritoryo।

Ang mga pitong kontinente ay:

1. Asya

2. Europa o Yuropa
3. Africa
4. Australia o Oceania
5. Hilagang Amerika
6. Timog America
7. Antartica o Antartika

Ano ang Kasaysayan?

Ano ang Kasaysayan?

-Ang kasaysayan ay maaaring bigyan ng kahulugan na:

-pag-aaral ng nakaraan at batayan ng kasalukuyan
-talaan ng impormasyon ukol sa nakaraan
-talaan ng mga makabuluhang pangyayari sa karanasan ng tao sa isang lugar
-pagsisiyasat sa mga pangyayari ng nakaraan

-Mga bunga ng pag-aaral ng kasaysayan:
-nakatutulong ito sa pagbabago ng kinabukasan
-mapahalagahan ang nakaraan
-mapapalawak nito ang pananaw ng mga tao
-nakapandaragdag ng kaalaman para sa mas masidhi/ kritikal na pag-iisip

-Mga Disiplina ng Agham Panlipunan sa Pag-aaral ng Kasaysayan
1. Antropolohiya - tumatalakay sa sangkatauhan at ang mga pinanggalingan nito
2. Agham Pampulitika - tumatalakay sa pagtakbo ng pamahalaan at ang mga batas na sinusunod ng tao. (ang pamahalaan noon hanggang ngayon)
3. Sikolohiya - pag-aaral sa pag-iisip ng mga tao; mga ideolohiya ng mga sinaunang tao
4. Pilopsopiya - pag-aaral sa pagtuklas ng katotohanan; mga pamantayang moral
5. Ekonomiks - kung papaano tinugunan ng tao ang kanilang mga pangangailangan; kung paano nagsimula ang kalakalan; ang pagkakaroon ng pera bilang midyum ng pagpapalitan
6. Teolohiya - mga pag-aaral ng relihiyon; mga relihiyon na pinagbabatayan ng mga batas
7. Sosyolohiya - pag-aaral sa kapaligiran ng tao (lipunan); kung paano namuhay ang mga tao sa isang tiyak na lugar
8. Heograpiya - tumutukoy sa teritoryo; ang pisikal na kaanyuan ng isang lugar

-Mga Uri ng Kasaysayan:
A. Prehistoriko (di-nakasulat na kasaysayan; BC - Bago si Kristo)
Mga panahon: Neolitiko, Paleolitiko, Metal
Mga ebidensya: mga kuwentong bayan, mga relokya at labi, pasalitang kasaysayan
B. Historiko (naisulat noong natutunan ng mga tao; AD - Anno Domini)
Mga panahon - sinauna (5000BC - 470AD), medyibal (470AD - 1412AD), Moderno (1412AD - kasalukuyan)
mga ebidensya - mga dokumento, mga lathalain (mga talaarawan atbp.)

May napansin ka ba?

Napakabilis ng takbo ng panahon, minsan parang wala ng katapusan at kapaguran ang tao sa pakikibaka nito sa kanyang paligid at mundo. Hindi natin namamalayan na nalipasan na tayo ng gutom, uhaw at panahon. Hindi natin magawang maipaliwanag bakit ito na nangyari sa buhay ko, sa pamilya ko o sa pag-aaral ko? Nababagot, nalulungkot, at nawawalan ng pag-asa ang marami sa atin na wala na ring panahon na maisaayos ang lahat? Pamilyar ka ba?
Teka muna, sandali lang, dahan-dahan, maghunos –dili ka, pakinggan mo muna ang kwento ng bawat isa. Hindi naman kasi minamadali ang lahat e? Malay mo ito na kasagutan at magbigay liwanag sa masalimuot nating kabuhayan? Tara, magsama-sama tayong magsiyasat sa nakaraan at sa kasalukuyan ng ating mahal na bansa. Bigyan natin ng Kwenta ang bawat Kwento o kasaysayan ng bawat nangyayari sa ating kapaligiran.
Ikaw, ako at tayong lahat ay may responsibilidad na makialam, pero kaylangan natin ng sandata upang tayong ay makasabay sa agos ng buhay, ito ay ang kaalaman ng kasaysayan ng bawat pangyayari sa ating paligid.

KABATAAN, ORAS NATIN 'TO!!!

KABATAAN, ORAS NATIN 'TO!!!

Marami na ang nagsabing, "ito ang tama, ito ang mali" pero TEKA MUNA!!, Sino ba ang nakakaalam kung anong ang "TAMA AT MALI para sa ating Pamahalaan?

Lahat ay may plano at pangarap para sa pagbabago, pero sino nga ba ang may tunay na malasakit sa ating mahal na bansa. AKO, IKAW, TAYONG LAHAT BA ANG KASAGUTAN SA MARAMING KATANUNGAN.

Kapatid! Oras natin ito at buhay natin ang nakasalalay sa mga kamay ng mga taong may kapangyarihan.

NGAYON LAHAT AY MAY KARAPATANG MAGSALITA, ngunit sino ang mangunguna?